1. Skip to Menu
  2. Skip to Content
  3. Skip to Footer

هه‌ڵسه‌نگاندنی کاریگه‌ری هاڕاوه‌ی توێکڵی هێلکه‌شه‌یتانۆکه‌، وه‌ک جێگره‌وه‌یه‌ک له‌بری ئێسک

که‌ره‌سته‌کانی له‌ بری ئێسک به‌ شێوه‌یه‌کی فراوان به‌کارده‌هێنرێن له‌ نه‌شته‌رگه‌رییه‌کانی ناوده‌م و شه‌ویلگه‌کان. ئه‌و که‌ره‌سته‌ له‌ بری ئێسکانه‌ی که‌ پێکهاته‌کانیان کاربۆناتی کالسیۆمی تێدایه‌ له‌م دووایه‌دا به‌کارهێنراون له‌ چاره‌سه‌رکردنی ناته‌واوی ئێسک. ئه‌م که‌ره‌ستانه‌ خه‌سله‌تی گه‌یاندنی ئێسکیان هه‌یه‌ به‌ڵام خه‌سڵه‌تی بوون به‌ئێسک و دروستکردنی ئێسکیان نییه‌. کاربۆناتی کالسیۆم پێکهاته‌ی سه‌ره‌کی هێلکه‌شه‌یتانۆکه‌ و شیلانه‌یه‌. ئه‌م که‌ره‌ستانه‌ بۆیه‌ به‌کاردێن چونکه‌ له‌ قۆناغێکی نائۆرگانی ئێسک ده‌چن.

مه‌به‌ست: ئه‌م توێژینه‌وه‌یه‌ بۆ هه‌ڵسه‌نگاندنی کاریگه‌ری هاڕاوه‌ی هێلکه‌ شه‌یتانۆکه‌یه‌ که‌ له‌بری ئێسک به‌کارهاتووه‌، له‌ چاڵی بچوکی ئێسک.

که‌ره‌سته‌کان و ڕێگاکانی توێژینه‌وه‌که: هێلکه‌شه‌یتانۆکه‌کان له‌ نزیک چه‌مێک کۆکراونه‌ته‌وه‌ و خاوێنکراونه‌ته‌وه‌ به‌ هۆی ده‌سکه‌وانه‌وه‌ هاڕدران. دوای ئه‌وه‌ی شیکاری کیمیایی و فیزیایی بۆ ئه‌نجام درا، هه‌روه‌ها له‌ ژێر پێستی 6 که‌روێشکدا شیکاری زینده‌ گونجاندنیشی بۆ کراو ده‌رئه‌نجامه‌کانی له‌ دووکاتی جیاوازدا 6 و 9 ڕۆژدا وه‌رگیران. دواتر توێژینه‌وه‌که‌ له‌سه‌ر ئێسکی ڕانی 28 که‌روێشک ده‌ستیپێکرد. دوو چاڵ له‌سه‌ر ئێسکی ڕانی ڕاستی هه‌ر که‌روێشکێک به‌هۆی ئامێرێکی کونکه‌ره‌وه‌ هه‌ڵکه‌ندران، چاڵه‌کان له‌ قه‌باره‌دا یه‌کسانبوون (3مم قووڵی ه‌ 3مم پانی). یه‌ک له‌و دوو چاڵانه‌ به‌ به‌تاڵی به‌ جێهێڵرا وه‌ک کۆنترۆڵ و ئه‌وی تریان پڕکرا له‌ هاڕاوه‌ی هێلکه‌ شه‌یتانۆکه‌ (تاقیکراوو).

هه‌ر هه‌فته‌یه‌ک سێ که‌روێشک ده‌کرانه‌ قوربانی به‌ هۆی پێدانی زێده‌ژه‌می کیتامین پاشان ئێسکی ڕانی که‌روێشکه‌کان ده‌رخران و لێکرانه‌وه‌. نمونه‌ی کۆنتڕۆڵ و تاقیکراووه‌کان جیاکرانه‌وه‌ و له‌ناو گیراوه‌ی به‌فه‌ڕی فۆرمالین 10% هه‌ڵگیران. دوایی نمونه‌کان خرانه‌ ناو گیراوه‌ی له‌ 10% ی ترشی فۆرمیکه‌وه‌ به‌ مه‌به‌ستی نه‌رم کردنیان. دواتر نمونه‌کان به‌ پڕۆسێس کران و نێژرانه‌ نێو مێوی پاڕافینه‌وه‌ و سلایدیان لێ دروستکرا و له‌ ژێر وه‌ردبینی ڕۆشنایی دیجیتاڵی خوێندرانه‌وه‌ و وێنه‌یان گیرا.

ئه‌نجامه‌کان: شیکاره‌کانی کیمیایی و فیزیایی به‌رهه‌مه‌که‌ ده‌ریانخست که‌ که‌ره‌سته‌که‌ پێکهاتووه‌ له‌ 97%ی کاربۆناتی کالسیۆم و داڕشتنه‌که‌شی له‌ شێوه‌ی کریستاڵیی ئه‌ره‌گۆنات دایه‌.

شیکاری زینده‌گونجاندنه‌که‌ش ده‌ریخست که‌ که‌ره‌سته‌که‌ بووه‌ته‌ هۆی دژه‌کرداری نامۆیی ده‌نکۆله‌یی له‌ هه‌ردوو کاته‌که‌دا، به‌ڵام بڕی دژه‌کرداره‌که له‌ ڕۆژی نۆیه‌مدا به‌ به‌راورد له‌ گه‌ڵ ڕۆژی شه‌شه‌مدا که‌متر بوو. هیچ دژه‌ کردارێکی سووتانه‌وه‌ی تیژ تێبینی نه‌کرا، نه‌ به‌ کلینکیی نه‌ به‌شانه‌زانیی.

توێژینه‌وه‌که‌ ده‌ریخست که‌ که‌ که‌ره‌سته‌که‌ به‌باشی تواوه‌یه‌وه‌ (مژرا) به‌شێوه‌یه‌ک که‌ له‌ هه‌فته‌ی پێنجه‌مدا بڕێکی زۆرکه‌م مابووه‌وه‌ له‌ چاڵه‌کاندا. له‌ هه‌فته‌ی سێیه‌مدا ناته‌واوویه‌کانی گروپی کۆنتڕۆڵ به‌ته‌واوه‌تی ساڕێژبوون(داخران) به‌ڵام ناته‌واویه‌کانی گروپی تاقیکراوو له‌ هه‌فته‌ی جواره‌مدا ساڕێژبوون (داخران). بڕه‌ دژه‌کرداری ده‌نکۆڵه‌یی هه‌فته‌ دوای هه‌فته‌ که‌متر ده‌بووه‌وه‌.

ده‌رئه‌نجام: که‌ره‌سته‌که‌ده‌ریخست که‌ خه‌سله‌تی زینده‌گونجاندن و توانه‌وه‌ی به‌ باشی هه‌یه‌. که‌ره‌سته‌که‌ وه‌کو ئێسک گه‌یاندن کاریگه‌ره‌ به‌ڵام هیچ کاریگه‌رییه‌کی بوون به‌ئێسک و ئێسک دروسکردنی نیشان نه‌دا.‌  

جومگه‌ی تێمپۆرۆماندیبوله‌ر چییه‌؟ Temporomandibular Joint…

   جومگه‌ی تێمپۆرۆماندیبوله‌ر چییه‌؟ Temporomandibular Joint

 جومگه‌ی تێمپۆرۆماندیبوله‌ر یان جومگه‌ی…

درێژەی بابەت...

ناڕێکیی جومگه‌ی تێمپۆرۆماندیبوله‌ر چییه‌؟ TMJ problems…

superfloss به‌کارهێنانی ده‌زووی پردی ددان…

جۆره‌ ده‌زوویه‌کی ددانه‌ به‌شێوه‌یه‌ک در…

درێژەی بابەت...

ده‌زووی ددان…

 ده‌زووی ددان

پێکهاتووه‌ له گورزێکی ته‌نکی ڕیشاڵی نایل…

درێژەی بابەت...

Prev
Next
  • 1
  • 2

ئێمە لە فەیسبووك