1. Skip to Menu
  2. Skip to Content
  3. Skip to Footer

چه‌ند ئامۆژگارییه‌ک پاش نه‌شته‌رگه‌ری: ددان-هه‌ڵکێشان

ئاگابوون له‌ شوێنی برینه‌که‌

  به‌ توندی گاز له‌و پارچه‌ گۆزه (شاش)‌ بگره، هه‌تاکو ده‌گه‌یته‌ ماڵه‌وه‌ پاشان به‌ هێواشی لێی بکه‌ره‌وه.

 بۆ ماوه‌ی دوانزه‌ کاتژمێر به‌لای که‌مه‌وه‌ نابێت جگه‌ره‌ بکێشیت، چونکه‌ جگه‌ره‌کێشان ده‌بێته‌ هۆی خوێن به‌ربوون و ئاسته‌نگ دروست ده‌کات بۆ چاکبوونه‌وه‌ی برینه‌که.

 

خوێن به‌ربوون‌

 چه‌ند دڵۆپه‌یه‌ک خوێن له‌ شوێنی برینه‌که‌ دێت، ئه‌م تۆزه‌ خوێنه‌ ئاساییه‌ له‌وانه‌یه‌ بۆ به‌یانییه‌که‌ی کاتێک له‌خه‌و هه‌ڵئه‌سیت ببینیت سه‌رینه‌که‌ت خوێناوویه‌ واچاکه له‌ یه‌که‌م شه‌ودا‌ سه‌رینه‌که‌ت به‌ به‌رگێکی ئه‌ستور داپۆشیت بۆ ئه‌وه‌ی سه‌رینه‌که‌ت خوێناووی نه‌بێت 

 به‌توندی تف مه‌که‌ره‌وه‌ هه‌روه‌ها هیج شله‌یه‌ک به‌ قه‌سه‌ب مه‌مژه‌ چونکه‌ ئه‌مانه‌ ده‌بنه‌ هۆی خوێن به‌ربوون. 

  ئه‌گه‌ر برینه‌که‌ خوێنی زۆرلێهات ئه‌وا پارچه‌یه‌ک گۆزی ته‌ڕ یان (شێدار) له‌سه‌ر برینه‌که‌ دابنێ بۆ ماوه‌ی 30 خوله‌ک. 

 با هه‌میشه‌ سه‌رت له‌ئاستی له‌شت به‌رزتربێت، له‌کاتی نووستندا واچاکه‌ چه‌ند سه‌رینێک به‌کار بهێنیت.

 

ناڕه‌حه‌تی

 پاش نه‌شته‌رگه‌ری هه‌ست به‌هه‌ندێ ناڕه‌حه‌تی ده‌که‌یت، ئه‌م ناڕه‌حه‌تییه‌ ئاساییه‌ ده‌کرێت به‌به‌کارهێنانی ده‌رمانی دژه‌ ئازار یان ئازارشکێن که‌م بکرێته‌وه.

ئه‌گه‌ر هه‌ستت به‌ دڵتێکهه‌لهاتن کرد باش به‌کارهێنانی ده‌رمان، واچاکه‌ ده‌رمانه‌که‌ت له‌گه‌ڵ په‌رداخێکی پڕله‌ئاو به‌کاربهێنیت. 

 دوور بکه‌وه‌ره‌وه‌ له لێخوڕینی‌ ئوتومبیل و مه‌ی خواردنه‌وه‌ له‌کاتی به‌کارهێنانی ئازارشكێندا.

 

خواردن

 ‌    زۆرگرنگه‌ بڕێکی زۆر شله‌مه‌نی بخۆیت، دووربکه‌وه‌‌ره‌وه له‌ خواردنه‌وه‌ی شله‌ی لینج به‌ قه‌سه‌ب جونکه‌ ئه‌م قه‌سه‌ب مژینه‌ په‌ستانێکی نێگه‌تیڤانه‌ له‌سه‌ر برینه‌که‌ دروست ده‌کات و ده‌بێت هۆی خوێن به‌ربوون. 

 ژه‌مه‌ خواردنه‌کان له‌کاتی ئاسایی خۆیدا بخۆ. خوارده‌مه‌نی سارد و سووکی وه‌ک ئایس کریم وماست باشترین جۆری خواردنن له‌ ئه‌که‌م ڕۆژدا.

 

پاک و خاوێنی ده‌م

  نابێت ئاو له‌ ده‌م وه‌ردبده‌یت یان ددانه‌کانت بشۆیت بۆ ماوه‌ی8  کاتژمێری پاش نه‌شته‌رگه‌رییه‌که‌ یان ددان هه‌ڵکێشانه‌که.

 پاش ئه‌و ماوه‌یه‌ به‌ هێواشی ئاو (خوێ و ئاو) له‌ ده‌م وه‌ربده‌ با ئاوه‌که‌ شلتێن بێت (بڕی نیو که‌و‌چک چا خوێ بۆ یه‌ک په‌رداخ ئاو). وا چاکه‌ هه‌ر چوار کاتژمێرێک یه‌ک جار ئاو له‌ده‌م وه‌ربده‌یت .

 ددانه‌کانت به‌ فڵچه‌ و هه‌ویری ددان بشۆ به‌ڵام فڵچه‌ له‌ شوێنی برینه‌که‌ مه‌ده.

ئاوسان

 ئاوسان پاش نه‌شته‌رگه‌ریی کاردانه‌وه‌یه‌کی سروشتی له‌شی مرۆڤه‌ ئاوسانه‌که‌ ده‌گاته‌ ئه‌وپه‌ڕی له‌ ماوه‌ی 48 کاتژمێری پاش نه‌شته‌رگه‌رییه‌که‌ زۆربه‌ی جار ئه‌م ئاوسانه‌ 4 بۆ6  ڕۆژێک ده‌خایه‌نێت. 

 پارچه‌ سه‌هۆڵی ئاخێنراوو (وورده‌ سه‌هۆڵ به‌ په‌ڕۆ ده‌وردرابێت) له‌سه‌ر جێگای ئاوساووییه‌که‌ دابنرێت له ‌یه‌که‌م 12 کاتژمێردا یارمه‌تی که‌مکردنه‌وه‌ی ئاوساوویه‌که‌ ده‌دات و ئاسووده‌یی زیاتر ده‌به‌خشێت به‌ نه‌خۆشه‌که

پشوودان

 دووربکه‌وه‌ره‌ له‌ ئیشی قورس له‌ ئه‌که‌م 12 کاتژمێردا.

 

خوێن تێزایین

 له‌وانه‌یه‌ تێبینی شینبوونه‌وه‌یه‌کی که‌م بکه‌یت له‌ شوێنی برینه‌که‌ ئه‌مه‌ کاردانه‌وه‌یه‌کی ئاسایی له‌شی مرۆڤه‌ له‌ ماوه‌ی7  بۆ 14 ڕۆژدا نامێنێت

 

کرژبوونی ماسولکه‌کان

 له‌وانه‌یه‌ هه‌ست به‌ کرژبوونی ماسولکه‌کانی ده‌وروبه‌ری شه‌ویلگه‌کانت بکه‌یت و نه‌توانیت به‌ ئاسانیی ده‌مت بکه‌یته‌وه‌ ئه‌م باره‌ش کاتییه‌ و 5 بۆ 10 ڕۆژێک ده‌خایه‌نێت تاکو چاک ده‌بێته‌وه.

‌ ‌

ته‌قه‌ڵه‌کان

 ئه‌گه‌ر شوێنی نه‌شته‌رگه‌رییه‌که‌ به‌ ده‌زوو دوورابێته‌وه‌ ئه‌وا ده‌بێت پاش هه‌فته‌یه‌ک لاببرێت.

  

په‌یوه‌ندی به‌ کلینیکه‌وه‌ بکه ئه‌گه‌ر: 

 ئه‌گه‌ر ئازاری زۆرت هه‌بوو و ئازاره‌که‌شت به‌ ده‌رمانی ئازار شکێن چاکنه‌بێته‌وه‌.

 خوێنێکی زۆر له‌ شوێنی برینه‌که‌ بێت و به‌ دانانی پارجه‌ گۆز له‌سه‌ر برینه‌که‌ و توند گاز لێگرتنی خوێنه‌که‌ نه‌گیرسایه‌وه‌.

 ئاوساوویه‌که‌ زیاد بکات له‌ پاش سێ ڕۆژ له‌ نه‌شته‌رگه‌رییه‌که‌.

 ئه‌گه‌ر هه‌ستت به‌ تا کرد. 

 ئه‌گه‌ر هه‌ر پرسیاریکت هه‌بوو.

 تایبه‌ت به‌ ماڵپه‌ڕی په‌روه‌رده‌یی پزیشکیی ددان. هیچ که‌س و لایه‌نێک بۆی نییه‌ به‌بێ پرس و ئاماژه‌پێکردنی ماڵپه‌ڕی په‌روه‌رده‌یی پزیشکیی ددان له‌ هیچ ماڵپه‌ڕ و کۆڤارێکی تر بڵاوی بکاته‌وه.   

جومگه‌ی تێمپۆرۆماندیبوله‌ر چییه‌؟ Temporomandibular Joint…

   جومگه‌ی تێمپۆرۆماندیبوله‌ر چییه‌؟ Temporomandibular Joint

 جومگه‌ی تێمپۆرۆماندیبوله‌ر یان جومگه‌ی…

درێژەی بابەت...

ناڕێکیی جومگه‌ی تێمپۆرۆماندیبوله‌ر چییه‌؟ TMJ problems…

superfloss به‌کارهێنانی ده‌زووی پردی ددان…

جۆره‌ ده‌زوویه‌کی ددانه‌ به‌شێوه‌یه‌ک در…

درێژەی بابەت...

ده‌زووی ددان…

 ده‌زووی ددان

پێکهاتووه‌ له گورزێکی ته‌نکی ڕیشاڵی نایل…

درێژەی بابەت...

Prev
Next
  • 1
  • 2

ئێمە لە فەیسبووك